ພິທີສາບານໂຕເຂົ້າຮັບຕຳແໜ່ງປະທານາທິບໍດີ ແລະ ຮອງປະທານາທິບໍດີ ຂອງອິນໂດເນເຊຍ ຖືເປັນສັນຍາລັກທີ່ມີຄວາມໝາຍສຳຄັນໃນລະບອບການເມືອງ ແລະ ການປົກຄອງປະເທດອິນໂດເນເຊຍ ເຊິ່ງລັດຖະທຳມະນູນໄດ້ກຳນົດໃຫ້ປະທານາທິບໍດີ ແລະ ຮອງປະທານາທິບໍດີ ທີ່ໄດ້ຊະນະການເລືອກຕັ້ງ ຕ້ອງໄດ້ຜ່ານພິທີສາບານໂຕຢ່າງເປັນທາງການ ທີ່ລັດຖະສະພາແຫ່ງຊາດກ່ອນການເຂົ້າບໍລິຫານປະເທດຢ່າງເປັນທາງການ.
ການເຂົ້າຮ່ວມພິທີສຳຄັນຄັ້ງນີ້ຂອງຄະນະຜູ້ແທນລາວ ເປັນການສືບຕໍ່ເຈດຕະນາລົມອັນສະເໝີຕົ້ນສະເໝີປາຍຂອງລາວ ໃນການຮັດແໜ້ນສາຍພົວພັນມິດຕະພາບ ແລະ ສົ່ງເສີມການພົວພັນຮ່ວມມືທີ່ດີ ລະຫວ່າງ ລາວກັບບັນດາປະເທດຕ່າງໆໃນພາກພື້ນ ແລະ ໃນໂລກ ໂດຍສະເພາະ ກັບປະເທດເພື່ອນມິດອິນໂດເນເຊຍທີ່ຢູ່ໃນຄອບຄົວອາຊຽນດຽວກັນ ທັງເປັນການນຳເອົາການສະໜັບສະໜູນຢ່າງຈິງໃຈຈາກລັດຖະບານ ແລະ ປະຊາຊົນລາວມາຍັງລັດຖະບານ ແລະ ປະຊາຊົນອິນໂດເນເຊຍໃນໂອກາດທີ່ມີຄວາມໝາຍສຳຄັນຄັ້ງນີ້.
Không có nhận xét nào:
Đăng nhận xét