ວິທີຄິດຂອງຄົນຢາກລວຍ

* ວິທີຄິດຂອງຄົນຢາກລວຍ! 

➢ ລວຍ ຄໍາສັ້ນໆຄໍາດຽວທີ່ໃຜໆກໍປາດຖະໜາຢາກໃຫ້ເກີດຂື້ນກັບຕົວເອງ ແລະ ທຸກຄົນຕ່າງກໍຢາກລວຍທັງນັ້ນ ແລະ 09 ຢ່າງຕໍ່ໄປນີ້ເປັນພຽງຂໍ້ຄິດ ເພື່ອປ່ຽນວິທີຄິດໃຫ້ທ່ານລວຍຂື້ນໄດ້: 

01. ຕ້ອງມີລາຍໄດ້ຫຼາຍກວ່າຫນື່ງທາງສະເໝີ ເພາະຄົນລວຍມັກຈະມີລາຍໄດ້ຫຼາຍທາງ. 

02. ຕ້ອງຫາລາຍຮັບຈາກວຽກທີ່ຕົນເອງມັກມີຄວາມສຸກ ແລະ ມ່ວນກັບການຫາລາຍໄດ້. 

03. ຕ້ອງເຂົ້າໃຈວ່າເງິນຄືຄວາມສຸກ ການມີເງິນຄືການມີຄວາມສຸກ ( ຢ່າຄິດວ່າເງິນຄືພະເຈົ້າ ,ແຕ່ພະຍາຍາມຄິດວ່າເຮົາຄືພະເຈົ້າຂອງເງິນ )

04. ຕ້ອງໝັ່ນສຶກສາຫາຄວາມຮູ້ຢູ່ສະເໝີເພາະຈາກການລາຍງານການວິໃຈຂອງຄົນລວຍເກີດໃໝ່ພົບວ່າມີນິດໃສຄ້າຍກັນ ,ຄືມັກອ່ານຫນັງສື ,ຊອກບົດຮຽນຊີວິດຈາກບຸກຄົນທີ່ປະສົບການດ້ານທຸລະກິດຕ່າງໆ ,ຫຼື ວິເຄາະຄໍາເວົ້າຂອງຄົນລວຍ ,ວິເຄາະການເຄື່ອນໄຫວການດໍາລົງຊີວິດຂອງຄົນລວຍ.

05. ຕ້ອງຮູ້ຈັກກັບການລົງທຶນ ແລະ ກ້າທີ່ຈະລົງທືນຮູ້ຈັກບໍລິຫານເງິນ ,ອ່ອມເງິນແລ້ວນໍາໄປລົງທືນ ເພື່ອສ້າງຜົນຕອບແທນ. 

06. ຕ້ອງມີເປົ້າໝາຍຊັດເຈນທຸກໆເລື່ອງ ໂດຍສະເພາະເລື່ອງລາຍໄດ້ ,ລາຍຈ່າຍ ,ການລົງທືນ ແລະ ຈໍານວນທີ່ຕ້ອງການ.

07. ຕ້ອງເຮັດວຽກໜັກໃນໄລຍະສັ້ນໆ ເພື່ອເກັບເງິນຈາກນັ້ນນໍາເອົາເງິນໄປເຮັດວຽກ ( ເງິນຕໍ່ເງິນ ) 

08. ຕ້ອງຄິດໃຫ້ໃຫ່ຍ ( ເພາະການຄິດໃຫ່ຍ ຫຼື ການຄິດນ້ອຍຕ່າງກໍໃຊ້ພະລັງງານໃນການຄິດເທົ່າກັນ )

09. ຕ້ອງຮູ້ຈັກໃຫ້ລາງວັນຕົວເອງເມື່ອເຮັດສີ່ງໃດໜຶ່ງສໍາເລັດ.

Read more »

ເຄັດລັບຂອງຄົນທີ່ທ້ອນເງິນບໍ່ໄດ້

* ເຄັດລັບຂອງຄົນທີ່ທ້ອນເງິນບໍ່ໄດ້! 

ທ່ານໃດກໍາລັງປະສົບກັບບັນຫາທີ່ບໍ່ສາມາດທ້ອນເງິນໄດ້ຕ້ອງອ່ານທາງນີ້, ເງິນກ່ວາຈະຫາມາໄດ້ແຕ່ລະກີບກໍຖືວ່າຍາກລໍາບາກແລ້ວ, ແຕ່ການທ້ອນເງິນທີ່ຫາມາໄດ້ໃຫ້ຢູ່ກັບເຮົາໄປດົນໆທີ່ສູດນັ້ນແມ່ນຍີ່ງຍາກກ່ວາ.
ສະນັ້ນລອງມາຄິດເບີ່ງນໍາກັນວ່າ: ໄດ້ມີຄໍາແນະນໍາວິທີການທ້ອນເງິນຂອງທ່ານແນວໃດແດ່ທີ່ຈະຊ່ວຍໃຫ້ທ່ານແກ້ໄຂບັນຫານີ້ໄດ້. 

- ເລືອກຝາກແບບປະຈໍາ ເພື່ອເປັນການບັງຄັບບໍ່ໃຫ້ໃຊ້ຈ່າຍເງິນຫຼາຍເກີນໄປ ຈົນບໍ່ເຫຼືອເງິນທ້ອນໄວ້ໃຊ້ໃນຍາມສູກເສີນ. 

- ຕ້ອງເຮັດບັນຊີລາຍຮັບລາຍຈ່າຍ; ນີ້ກໍເພື່ອໃຫ້ເຮົາຮູ້ວ່າການໃຊ້ຈ່າຍເງິນໃນແຕ່ລະຄັ້ງໄປເທົ່າໃດແລ້ວ, ຈ່າຍຄ່າຫຍັງ? ໄປແດ່ໃນແຕ່ລະເດືອນ ແລະ ຄວນຈົດລາຍການທີ່ຈໍາເປັນຕ້ອງຊື້ກ່ອນໄປຊື້ ເພາະຈະໄດ້ເປັນຂໍ້ຈໍາກັດບໍ່ໃຫ້ຊື້ສິ່ງຂອງທີ່ບໍ່ຈໍາເປັນ ແລະ ຍັງໄດ້ສີ່ງຂອງຄົບຖ້ວນຕາມທີ່ຕ້ອງການນໍາອີກ. 

- ຖ້າຢາກໄດ້ສີ່ງຂອງທີ່ຄິດວ່າບໍ່ຈໍາເປັນຄວນແບ່ງເງິນປະມານ 10% ຂອງເງິນເດືອນມາທ້ອນສະສົມຈົນຄົບຈໍານວນແລ້ວ, ຈື່ງຊື້ສີ່ງຂອງສິ່ງນັ້ນ ເພາະຖ້າທຸ້ມເງິນໄປໝົດກ້ອນອາດຈະບໍ່ມີເງິນເຫຼືອເພື່ອໃຊ້ຈ່າຍໃນຍາມສູກເສີນ. 

- ຖ້າໄດ້ເງິນພິເສດມາຢ່າຟ້າວເອົາໃສ່ກະເປົາ ເພາະເງິນອາດໝົດໄປໂດຍທີ່ບໍ່ຮູ້ໂຕ ທ່ານຄວນເອົາເງິນນັ້ນໄປລວມໄວ້ກັບພາກສ່ວນເງິນທ້ອນ ແລ້ວ ຢ່າລືມຈົດລົງໃນບັນຊີລາຍຮັບລາຍຈ່າຍນໍ. 

- ເຖີງເວລາທ້າຍປີ ;ທ້າຍ ເດືອນ; ທ້າຍງວດ ທ່ານຕ້ອງໄດ້ມີການກວດກາ ສະຫຼຸບ ບັນຊີຂອງທ່ານວ່າ: ຍອດເຫຼືອເງິນທີ່ມີໃນບັນຊີ............ແລະ ທ່ານຈະເກີດມີແນວຄິດອັນໃຫມ່ກໍເປັນໄດ້! 

☞ ຄໍາຄົມສອນໃຈ: 

# ຄົນຈົນຕ້ອງເປັນອົດທົນ, ສູ້ຊີວິດຄິດຄົ້ນ ນໍາເອົາບົດຮຽນທີ່ດີໃນການຕໍ່ຍອດຊີວິດ. 

☞ ຄົນຄິດຢາກລວຍຕ້ອງມີການວາງແຜນເສດຖະກິດໄວ້ລ່ວງຫນ້າ (ລໍໂອກາດ,ເວລາ,ເງື່ອນໄຂຕອບສະຫນອງ). 

# ຄົນເຮົາຕ້ອງຊອກຫາຫຼາຍຊ້ອງທາງ ຫາເງິນ ຖ້າທ່ານ ຢາກເປັນຄົນລວຍໃນອານາຄົດ !

Read more »

ຄວາມອົດທົນຈະກາຍເປັນຄົນເໜືອຄົນ

* ຄວາມອົດທົນຈະກາຍເປັນຄົນເໜືອຄົນ! 

☞ ຖ້າຫາກຄົນໃດມີຄວາມອົດທົນພະນານາມເຖີງລົ້ມເຫຼວພຽງໃດ? ຫຼືລົ້ມລຸກຄຸກຄານກໍ່ບໍ່ເຄີຍຫວັ່ນໄຫວ ລູກຂື້ນມາເພື່ອກ້າວຜ່ານອຸປະສັກເຫຼົ່ານັ້ນໄປໄດ້ເມື່ອໃດທີ່ທ່ານເປັນຄົນອົດທົນກໍ່ເທົ່າກັບທ່ານກາຍເປັນຄົນ ເໜືອຄົນ. 

- ຄົນເຮົາຈະຫຼຸດຄວາມຈິງລົ້ມລົງໄດ້ກໍເປັນບາງຄັ້ງຄາວ ແຕ່ສ່ວນໃຫ່ຍຄົນເຮົາຈະລຸກຂື້ນຍ່າງໄປຕໍ່. 

- ໃນຄວາມພະຍາຍາມອັນຍີ່ງໃຫ່ຍນັ້ນສະຫງ່າງາມເຖີງວ່າມັນຈະລົ້ມເຫຼວ. 

- ເມື່ອທ່ານຫວັງທີ່ຈະໄປເຖີງທີ່ສູງສຸດການໄປເຖີງລະດັບທີສອງ ຫຼື ແມ່ນແຕ່ທີສາມກໍເປັນທີ່ໜ້ານັບຖືແລ້ວ. 

- ຈື່ໄວ້ວ່າມີສີ່ງທີ່ດີຢູ່ທຸກສະຖານະການຄົ້ນຫາແລ້ວຄິດເຖີງແຕ່ສີ່ງທີ່ດີໆ ແລະ ຫັນຫຼັງໃຫ້ຄວາມທໍ້ແທ້ສີ້ນ ຫວັງ. 

- ຈິດໃຈຂອງຄົນກໍປຽບຄືກັບໂມງແບບໃສ່ລານທີ່ກຽມຈະໝົດລານຈະຕ້ອງເອົາຄວາມຄິດດີໆໄຂມັນຢູ່ທຸກໆຄັ້ງ.
- ຈົ່ງອົດທົນເບີ່ງຄືມັນຈະເປັນໄປບໍ່ໄດ້ກໍຕາມເພາະແນວໃດທ່ານກໍໄດ້ອົດທົນມາແລ້ວ. 

- ບໍ່ມີຫວັງຫນ້າເອົາໜ້າເປັນຄໍາວ່າ : <ເອົາ > ແລະ <ເປັນ> ໃນບ່ອນນີ້ໝາຍເຖີງການເອົາ ຫຼື ເປັນດ້ວຍຈິດໃຈຫຼົງໄຫຼຢຶດຕິດທັງໝົດທັງສີ້ນແທ້ໆ. 

- ດວງຕາທີ່ເບີ່ງທະລຸເຫັນໃຈຜູ້ອື່ນໄດ້ເລິກ ເຊິ່ງສ່ວນຫຼາຍຈະແມ່ນດວງຕາທີ່ເຄີຍຮ້ອງໄຫ້.
ຖ້າບຸກຄົນໃດໄປຢຶດຕິດກັບ 4 ຢ່າງລຸ່ມນີ້: 1.ເສຍໃຈ. 2.ອະດີດ. 3.ປັດຈຸບັນ. 4. ອານາຄົດ.
ຖ້າຫາກເຮົາມົວເມົາຢ່າງຫຼັບຫູຫຼັບຕາແລ້ວກໍຈະມີຄວາມທຸກຢ່າງເຕັມທີ່!

Read more »

ວິທີເບີ່ງໂລກໃນແງ່ດີ

* ວິທີເບີ່ງໂລກໃນແງ່ດີ:

➢ ເມື່ອຖືກຫມູ່ນິນທາ:
- ເມື່ອວ່າມີຄົນມານິນທາເຮົາສະແດງວ່າເຮົາມີອັນເດັ່ນໃດໜຶ່ງຈົນເຮັດໃຫ້ໝູ່ເພື່ອນຄິດອິດສາຊຶ່ງເຮົາໜ້າຈະມີກໍາລັງໃຈຈາກຈຸດນີ້ແທນທີ່ຈະໄປໂກດແຄ້ນທີ່ເພື່ອນນິນທາເຮົາ.

➢ ເມື່ອຍິ້ມໃສ່ສາວແລ້ວສາວບໍ່ສົນ :
- ໃຫ້ຄິດວ່າຍັງດີກ່ວາບໍ່ຖືກດ່າ, ຢ່າງໃດກໍຍັງຖືວ່ານາງຄົນນັ້ນຍັງມີນໍ້າໃຈດີໆໃຫ້ເຮົາຢູ່, ຖ້າບໍ່ມີນໍ້າໃຈແມ່ນເຮົາຖືກດ່າໄປແລ້ວ. 

➢ ເມື່ອຄູ່ສອນແຕ່ເຮົາບໍ່ເຂົ້າໃຈ:
- ໃຫ້ຄິດວ່າບໍ່ແມ່ນເຮົາສະໝອງປຶກ, ແຕ່ກໍຄິດວ່າຄູກໍສອນບໍ່ດີຄືກັນຈິ່ງບໍ່ສາມາດເຮັດໃຫ້ເຮົາເຂົ້າໃຈ ແລະ ມັນກໍເປັນສິ່ງໜຶ່ງທີ່ທ້າທາຍຄູເຊັ່ນກັນ, ຊື່ງຄູເອງກໍ່ຕ້ອງໄດ້ສະແຫວງຫາທັກສະໃຫມ່ຂື້ນເລື້ອຍໆ ແລະ ເຮົາຜູ້ນຶ່ງທີ່ຈະເຮັດໃຫ້ຄູເກັ່ງ. 

➢ ເມື່ອມີວຽກບ້ານຫຼາຍໃນມື້ພັກ:
- ໃຫ້ຄິດວ່າ (ສະບາຍໆ ) ເພາະເປັນກົນລະຍຸດຂອງຄູທີ່ຢາກທ້າທາຍຄວາມສາມາດຂອງເຮົາ.
- ວຽກບ້ານຫຼາຍຖືວ່າເປັນເລື້ອງດີເພາະເຮົາຈະໄດ້ຝຶກຕົນເອງໃຫ້ເປັນຄົນອົດທົນຫຼາຍຂື້ນ. 

➢ ເມື່ອອົກຮັກອີກ:
- ໃຫ້ຄິດວ່າ ບໍ່ເປັນຫຍັງ ? ເພາະວ່າເຮົາຈະໄດ້ຮຽນຮູ້ຊີວິດໄປອີກ, ທີ່ຜ່ານໆມານັ້ນເຮົາຍັງຮຽນບໍ່ທັນໝົດ ແລະ
ໃຫ້ກໍາລັງໃຈໂຕເອງວ່າຂະຫນາດຄົນຕາບອດກໍຍັງມີແຟນແລ້ວມື້ໜຶ່ງເຮົາກໍ່ຈະມີຄືເຂົາ. 

➢ ເມື່ອສັນຈອນຕິດຂັດ:
- ໃຫ້ຄິດວ່ານີ້ມັນແມ່ນສີ່ງປົກກະຕິທີ່ເຮົາຕ້ອງພົບ ແລະ ພົບຢູ່ເລື້ອຍ, ຖ້າເຮົາຈະໄປໃຈຮ້າຍເຮົາຄົງໄດ້ຮ້າຍຕະຫຼອດໄປແລ້ວ ເຮົາກໍ່ຈະເຕັມໄປດ້ວຍແຕ່ອາລົມຄຽດ, ໃຫ້ນັ່ງສະມາທິ, ຫາຍໃຈເຂົ້າເລິກໆ ແລະ ນັບເລກໄປເລື້ອຍໆແລ້ວເຮົາຈະລືມເລື່ອງການສັນຈອນຕິດຂັດ. 

☞ ຊີວິດທີ່ແທ້ຈິງ !
➢ ຄວາມຈິງຂອງຊີວິດຈະສອນໃຫ້ເຮົາຮູ້ຈັກຍອມຮັບເອົາການປະລະໄຊ, ສອນໃຫ້ເຮົາຮູ້ຈັກການເສຍ ່ນໍ້າຕາເພື່ອຈະໄດ້ຮອຍຍີ້ມຄືນກັບມາເປັນລາງວັນຕອບແທນ, ແຕ່ມັນກໍບໍ່ເຄີຍເຮັດໃຫ້ ໃຜຊີ້ນຫວັງຫມົດພະລັງ ແລະ ກາໍລັງໃຈໄປກັບຄວາມປາລາໄຊ.

Read more »

ຕໍານານການດໍາລົງຊີວິດຮັບໃຊ້ສັງຄົມ

* ຕໍານານການດໍາລົງຊີວິດຮັບໃຊ້ສັງຄົມ:

01. ຄິດເຖີງຮ່າງກາຍຕົນເອງ ຢ່າອະທິຖານວ່າບໍ່ເປັນພະຍາດ.
- ຍ້ອນວ່າເປັນພະຍາດແມ່ນເກີດ ຈາກການໂລບມາກໂລພາ.
02. ຢູ່ໃນຊີວິດຢ່າອະທິຖານວ່າ ບໍ່ພົບຄວາມຫ້ຍຸງຍາກ.
03. ຊົ່ວຊີວິດຢ່າອະທິຖານວ່າ ບໍ່ພົບອຸປະສັກ.
- ບໍ່ພົບອຸປະສັກແມ່ນການຮໍ່າຮຽນ ບໍ່ສຸດກົກສຸດປາຍ.
04. ທຸກພາລະກິດຢ່າຄອງຄອຍວ່າ ບໍ່ພົບຄວາມຫ້ຍຸງຍາກທຸລະກັນດານ.
- ບໍ່ຫຍຸ້ງຍາກທຸລະກັນດານ ແມ່ນບໍ່ອົງອາດກ້າຫານ.
05. ເຮັດວຽກຢ່າຄອງຄອຍວ່າຈະສໍາເລັດແບບງ່າຍດາຍ.
- ຖ້າສໍາເລັດແບບງ່າຍດາຍຈະພາໃຫ້ຈິດໃຈອວດອົ່ງແບບຈອງຫອງ.
06. ການແລກປ່ຽນຄ້າຂາຍຢ່າເຫັນແກ່ຜົນປະໂຫຍດຕົນເອງ.
- ເພາະຜົນປະໂຫຍດຕົນເອງແມ່ນເຮັດໃຫ້ເສຍດ້ານຄຸນລະທໍາ.
07. ເຮັດນໍາຄົນຢ່າຄິດເອົາແຕ່ໃຈຕົນເອງ.
- ການເອົາໃຈຕົນເອງຈະນໍາພາໃຫ້ເກີດການອວດອົ່ງທະນົງຕົວ.
08. ເຫັນແກ່ບຸນຄູນ, ຢ່າຮຽກຮ້ອງເຖີງສີ່ງຕອບແທນ.
- ເພາະສີ່ງຕອບແທນບໍ່ແມ່ນບຸນຄຸນທີ່ມີຊັ້ນເຊີງ.
09. ເຫັນວ່າມີຜົນປະໂຫຍດ ຢ່າຍື່ນມືເຂົ້າໄປຫາ.
- ເພາະວ່າການຍື່ນມືເຂົ້າໄປຫາຈະເສັຍຄວາມຮູ້ສຶກທາງປັນຍາ.
10. ພົບຄວາມບໍ່ຍຸຕິທໍາບໍ່ຕ້ອງການຊີ້ແຈງ.
- ເພາະວ່າການຊີ້ແຈງແມ່ນການຄັດຄ້ານ, ແມ່ນການລ້າງແຄ້ນເຮັດໃຫ້ ຄວາມບໍ່ຍຸຕິທໍາຖຶກແກ່ຍາວເວລາ.
➢ ການຢູ່ຮ່ວມກັນໄດ້ຕ້ອງມີສ່ວນຮ່ວມ:
1. ຕ້ອງມີການເກື້ອກຸນຊື່ງກັນ ແລະ ກັນ.
2. ຕ້ອງມີການຮ່ວມໄມ້ຮ່ວມມືຊື່ງກັນ ແລະ ກັນ.
3. ຕ້ອງມີການໃຫ້ອະໄພຊື່ງກັນ ແລະ ກັນ.
➢ ການຢູ່ຮ່ວມກັນດ້ວຍຄວາມຄຽດຊັງຈະຊອກຫາການທໍາລາຍຊຶ່ງກັນ ແລະ ກັນ ແລະ ຢູ່ຮ່ວມກັນແບບບໍ່ມີຄວາມສຸກ.
➢ ບ່ອນໃດ? ມີການກົດຂີ່ຂູດຮິດຢູ່ບ່ອນນັ້ນແມ່ນບໍ່ມີຄວາມຍຸຕິທໍາ.
➢ ບ່ອນໃດ? ມີການກົດຂີ່ຂູດຮີດຢູ່ບ່ອນນັ້ນແມ່ນມີການຕໍ່ສູ້.

Read more »

ຄໍາຄົມ - ຄະຕິເຕືອນໃຈ - ສຸພາສິດ - ການຮຽນຮູ້

* ຄໍາຄົມ - ຄະຕິເຕືອນໃຈ - ສຸພາສິດ - ການຮຽນຮູ້:

01. ຜູ້ມີປັນຍາຈະສ້າງໂອກາດຫຼາຍກວ່າຫາໂອກາດ.

02. ຄົນໂງ່ບໍ່ໄດ້ຮຽນຮູ້ອັນໃດຈາກຄົນສະຫຼາດ, ແຕ່ກົງກັນຂ້າມໄດ້ຮຽນຮູ້ຢ່າງຫຼວງຫຼາຍ ຈາກຄົນໂງ່. 

03. ຄົນຂໍທານບໍ່ເຄີຍອິດສາມະຫາເສດຖີ, ແຕ່ເຂົາຈະອິດສາຄົນຂໍທານດ້ວຍກັນທີ່ໄດ້ປະສົບຄວາມສໍາເລັດຫຼາຍກວ່າ. 

04. ຖ້າຫາກຫາຄວາມສຸກໃນຕົວເຮົາບໍ່ພົບກໍ່ຍາກທີ່ຈະຫາພົບຢູ່ບ່ອນອື່ນໄດ້. 

05. ນົກບໍ່ມີຂົນ, ຄົນບໍ່ມີເພື່ອນຈະບິນສູງແມ່ນບໍ່ໄດ້. 

06. ເມື່ອພໍ່ຄ້າຕໍານິສິນຄ້ານັ້ນກໍໝາຍຄວາມວ່າເຂົາຕ້ອງການຢາກຊື້ສິນຄ້າ. 

07. ຄົນສະຫຼາດຈະສະແຫວງຫາຄໍາສັ່ງສອນ, ຄົນໂງ່ຈ້າຈະສະແຫວງຫາແຕ່ຄໍາຍ້ອງຍໍ. 

08. ຄົນດີຄືຜູ້ທີ່ລືມຄວາມຜິດຂອງຜູ້ອື່ນໆແຕ່ຈະຈໍາຄວາມຜິດຂອງຕົນເອງໄດ້ທຸກໆເທື່ອ. 

09. ເພື່ອນທີ່ເຮັດວຽກຮ່ວມກັນບໍ່ໄດ້ກໍ່ບໍ່ຕ່າງຫຍັງກັບສັດຕູຢູ່ຄຽງຂ້າງ.

10. ຄົນໂງ່ບໍ່ອາດເປັນນັກສະແດງທີ່ດີໄດ້, ແຕ່ວ່ານັກສະແດງທີ່ດີສາມາດສະແດງເປັນຄົນໂງ່ໄດ້. 

11. ຄົນທີ່ຫຶງຫວງ ແລະ ອິດສາລິດສະຫຍານັ້ນນອກຈາກຈະເຮັດໃຫ້ຄົນອື່ນວຸ້ນວາຍແລ້ວຍັງທໍລະມານຕົນເອງອີກ. 

12. ໜ້າທີ່ແທ້ຈິງຂອງຜູ້ນໍາກໍ່ຄືການຄົ້ນຄິດຫານະໂຍບາຍ ແລະ ບັງຄັບໃຊ້ມັນຫຼາຍ ກ່ວາທີ່ຈະມົວເມົານໍາແຕ່ການແກ້ບັນຫາທີ່ຈະເກີດຈາກນະໂຍບາຍ.

13. ນາທີທີ່ມືດມົນຂອງຄົນໆໜຶ່ງກໍ່ຄືຕອນທີ່ເຂົານັ່ງວາງແຜນຫາເງິນແລ້ວບໍ່ເຮັດຫຍັງ. 

14. ເງິນຄືໄມ້ຫຼາວັດແທກຄວາມສໍາເລັດອັນໂງ່ຈ້າ, ແຕ່ມັນກໍ່ເປັນເຄື່ອງວັດແທກພຽງຢ່າງດຽວທີ່ຄົນທົ່ວໂລກຍັງໃຊ້ກັນຢູ່. 

15. ນໍ້າໃສເກີນໄປປາຢູ່ບໍ່ໄດ້, ເຈົ້ານາຍເຂັ້ມງວດເກີນໄປໄຮ້ບໍລິວານ. 

16. ຄົນທີ່ບັນຊາຕົນເອງບໍ່ໄດ້ຍ່ອມບໍ່ເໝາະສົມທີ່ຈະບັນຊາຄົນອື່ນ. 

17. ເມື່ອຄັ້ງບູຮານນະການ, ປະເທດທີ່ຮັ່ງມີກ່ວາໝູ່ແມ່ນປະເທດທີ່ມີທໍາມະຊາດອຸດົມສົມບູນ, ແຕ່ໃນປັດຈຸບັນ, ປະເທດທີ່ຮັ່ງມີກວ່າໝູ່ແມ່ນປະເທດທີ່ມີຄົນອຸດົມສົມບູນດ້ວຍປັນຍາ. 

18. ຄວາມສໍາເລັດຄືຊັບສົມບັດອັນລໍ້າຄ່າ ແລະ ຄວາມຜິດພາດກໍ່ເປັນຊັບສົມບັດອັນລໍ້າຄ່າເຊັ່ນດຽວກັນຖ້າເຮົາຫາກຮຽນຮູ້ຈາກມັນ. 

19. ຫາກເຂັ່ງຂັດໃນຂອບຕາຍຕົວມີແຕ່ຈະເຮັດໃຫ້ຫຼ້າຫຼັງ ແລະ ຈະກັບກາຍເປັນຄວາມຫຼົ້ມເຫຼວໄດ້ໃນທີ່ສຸດ.

20. ຜູ້ນໍາທີ່ດີຈະບໍ່ບໍລິຫານແບບພະນັກງານດັບເພີງທີ່ລໍຄອຍຖ້າແຕ່ໃຫ້ມີໄຟໄໝ້ແລ້ວຈຶ່ງໄປມອດ, ແຕ່ຈະບໍລິຫານງານຄວບຄຸມການມອດໄຟນັ້ນມັນຕ້ອງໄດ້ຄົ້ນຄິດຫາວິທີການປ້ອງກັນບໍ່ໃຫ້ເກີດມີໄຟໄໝ້ຢູ່ຕະຫຼອດເວລາ. 

21. ກຽດສັກສີບໍ່ໄດ້ຈາກສິ່ງທີ່ເຮົາຮັບ, ແຕ່ໄດ້ຈາກສີ່ງທີ່ເຮົາໃຫ້.

22. ຖ້າທ່ານມອບຄວາມຮັບຜິດຊອບໃຫ້ແກ່ຄົນທີ່ບໍ່ສົມຄວນໄດ້ຮັບກໍ່ເທົ່າກັບທ່ານທໍາລາຍຄົນຜູ້ນັ້ນ. 

23. ເວລາຈະຊ້າເກີນໄປສໍາລັບຜູ້ລໍຄອຍ, ໄວເກີນໄປສໍາລັບຜູ້ທີ່ຢ້ານກົວ ,ຍາວເກີນໄປສໍາລັບຜູ້ເສົ້າໂສກ,ສັ້ນເກີນໄປສໍາລັບຜູ້ທີ່ເສບສຸກ, ແຕ່ສໍາລັບຜູ້ທີ່ມີຄວາມພໍພຽງແລ້ວເວລາຄືອໍາມະຕະນິລັນການ. 

24. ກົດເກນແຫ່ງທໍາມະຊາດມັນຈະປ່ຽນແປງໄປຕາມລະດູການຢູ່ໃນຕົວຂອງມັນເອງ, ບໍ່ມີມະນຸດ ຫຼື ສັດເດັຍລະສານໂຕໃດ? ຈະຢູ່ຄູ່ຟ້າບໍ່ໄດ້ດອກ. 

25. ຢ່າເຊື່ອໃຈທາງຢ່າວາງໃຈຄົນມັນຈະສັບສົນຕົນເອງ.

Read more »