Samouay Weblog Protal

Welcome to Weblog Samouay Portal

Bắt 2 đối tượng buôn 2.800 viên ma túy tổng hợp từ Lào về Việt Nam

Bộ đội Biên phòng tỉnh Thanh Hóa vừa phối hợp với Bồn Biên phòng Trung Lý bắt 2 đối tượng mua bán ma túy từ Lào về Việt Nam tiêu thụ.

Vào lúc 9h00 ngày 25/10/2019 tại bản Ma Hác, xã Trung Lý, huyện Mường Lát, tỉnh Thanh Hóa, lực lượng phòng chống tội phạm ma túy Bộ đội Biên phòng tỉnh phối hợp với Đồn Biên phòng Trung Lý, bắt quả tang 2 đối tượng đang có hành vi mua bán trái phép chất ma túy.

Hai đối tượng là: Thào Xuân Lâu, sinh năm 1985 (là đối tượng nghiện) và Mùa Thị Dúa, sinh năm 1978, cùng trú tại bản Tà Cóm, xã Trung Lý, huyện Mường Lát, tỉnh Thanh Hóa.

Tại hiện trường, lực lượng đánh án thu giữ tang vật gồm: 2.800 viên ma túy tổng hợp, khoảng 50 gam Heroin, 02 điện thoại di động, 01 dao nhọn. Qua đấu tranh 2 đối tượng khai nhận, trước đó 2 đối tượng đã vượt biên trái phép sang Lào mua số ma túy trên vận chuyển về Việt Nam để bán kiếm lời.

Hiện lực lượng đánh án đang tiến hành hoàn chỉnh hồ sơ xử lý theo quy định của pháp luật./.

ຮ່ວມສະແດງຄວາມຍິນດີຮັບຕຳແໜ່ງ ປະທານາທິບໍດີ ອິນໂດເນເຊຍ

ວັນທີ 19-21 ຕຸລາ 2019 ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ເປັນຜູ້ຕາງໜ້າພິເສດຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ນຳພາຄະນະຜູ້ແທນລາວເຮົາເຂົ້າຮ່ວມພິທີສາບານໂຕ ເພື່ອຮັບຕຳແໜ່ງເປັນປະທານາທິບໍດີ ແລະ ຮອງປະທານາທິບໍດີຂອງ ສາທາລະນະລັດ ອິນໂດເນເຊຍຢ່າງເປັນທາງການ ຕາມການເຊື້ອເຊີນຂອງລັດຖະບານອິນໂດເນເຊຍ ເຊິ່ງພິທີຈັດຂຶ້ນທີ່ ນະຄອນຫຼວງຈາກາຕາ ອິນໂດເນເຊຍ ມີບັນດາການນຳຂັ້ນສູງຈາກປະເທດສະມາຊິກອາຊຽນ ສປ ຈີນ ອົດສະຕາລີ ສ ອາເມຣິກາ ສ ເກົາຫຼີ ຍີ່ປຸ່ນ ແລະ ປະເທດເພື່ອນມິດຂອງອິນໂດເນເຊຍເຂົ້າຮ່ວມເປັນກຽດ ແລະ ສະແດງຄວາມຊົມເຊີຍຕໍ່ທ່ານ ໂຈໂກ ວິໂດໂດ ປະທານາທິບໍດີ ແລະ ທ່ານ ມາຣຸຟ ອາມິນ ຮອງປະທານາທິ ບໍດີຂອງອິນໂດເນເຊຍໃນພິທີອັນຊົງກຽດດັ່ງກ່າວ.

ພິທີສາບານໂຕເຂົ້າຮັບຕຳແໜ່ງປະທານາທິບໍດີ ແລະ ຮອງປະທານາທິບໍດີ ຂອງອິນໂດເນເຊຍ ຖືເປັນສັນຍາລັກທີ່ມີຄວາມໝາຍສຳຄັນໃນລະບອບການເມືອງ ແລະ ການປົກຄອງປະເທດອິນໂດເນເຊຍ ເຊິ່ງລັດຖະທຳມະນູນໄດ້ກຳນົດໃຫ້ປະທານາທິບໍດີ ແລະ ຮອງປະທານາທິບໍດີ ທີ່ໄດ້ຊະນະການເລືອກຕັ້ງ ຕ້ອງໄດ້ຜ່ານພິທີສາບານໂຕຢ່າງເປັນທາງການ ທີ່ລັດຖະສະພາແຫ່ງຊາດກ່ອນການເຂົ້າບໍລິຫານປະເທດຢ່າງເປັນທາງການ.

ການເຂົ້າຮ່ວມພິທີສຳຄັນຄັ້ງນີ້ຂອງຄະນະຜູ້ແທນລາວ ເປັນການສືບຕໍ່ເຈດຕະນາລົມອັນສະເໝີຕົ້ນສະເໝີປາຍຂອງລາວ ໃນການຮັດແໜ້ນສາຍພົວພັນມິດຕະພາບ ແລະ ສົ່ງເສີມການພົວພັນຮ່ວມມືທີ່ດີ ລະຫວ່າງ ລາວກັບບັນດາປະເທດຕ່າງໆໃນພາກພື້ນ ແລະ ໃນໂລກ ໂດຍສະເພາະ ກັບປະເທດເພື່ອນມິດອິນໂດເນເຊຍທີ່ຢູ່ໃນຄອບຄົວອາຊຽນດຽວກັນ ທັງເປັນການນຳເອົາການສະໜັບສະໜູນຢ່າງຈິງໃຈຈາກລັດຖະບານ ແລະ ປະຊາຊົນລາວມາຍັງລັດຖະບານ ແລະ ປະຊາຊົນອິນໂດເນເຊຍໃນໂອກາດທີ່ມີຄວາມໝາຍສຳຄັນຄັ້ງນີ້.

ສູນເລືອດແຫ່ງຊາດ ສືບຕໍ່ຈັດກິດຈະກຳຮັບບໍລິຈາກເລືອດ

ເພື່ອສືບຕໍ່ໃຫ້ການຊ່ວຍເຫຼືອຄົນເຈັບ ທີ່ຕ້ອງການເລືອດທີ່ນອນປິ່ນປົວຢູ່ຕາມໂຮງໝໍແຫ່ງຕ່າງໆ ໃນຂອບເຂດທົ່ວປະເທດ ເວົ້າລວມ ເວົ້າສະເພາະ ຢູ່ບັນດາໂຮງໝໍ ໃນນະຄອນຫຼວງວຽງຈັນ ທີ່ມີຄົນເຈັບເປັນຈຳນວນຫຼວງ ຫຼາຍຕ້ອງການເລືອດເພື່ອການປິ່ນປົວ ແລະ ຊ່ວຍຊີວິດເຂົາເຈົ້າ ສູນເລືອດແຫ່ງຊາດ ອົງການກາແດງລາວ ຈັດກິດຈະກຳຮັບບໍລິຈາກເລືອດຂຶ້ນ ວັນທີ 23 ຕຸລາ 2019 ທີ່ສູນເລືອດແຫ່ງຊາດ ມີນັກຮຽນ-ນັກສຶກສາຈາກສະຖາບັນການສຶກສາແຫ່ງຕ່າງໆ ສຳນັກງານ ອົງການ ທັງພາກລັດ ເອກະຊົນ ແລະ ມວນຊົນຜູ້ໃຈບຸນທັງຫຼາຍເຂົ້າຮ່ວມບໍລິຈາກເລືອດ.

ໃນປີ ຜ່ານມາບັນດາຊັ້ນຄົນຕ່າງໆ ຮ່ວມກັບສູນເລືອດໃນທົ່ວປະເທດໄດ້ສຸມໃສ່ຈັດຕັ້ງປຸກລະດົມ ເຊີນຊວນຊັ້ນຄົນເຂົ້າຮ່ວມບໍລິຈາກເລືອດຢ່າງຕໍ່ເນື່ອງ ແຕ່ທຽບໃສ່ຄວາມຕ້ອງການເຫັນວ່າຍັງບໍ່ທັນພຽງພໍ ການບໍລິຈາກເລືອດຍັງຈະໄດ້ເພີ່ມທະວີຄວາມເອົາໃຈໃສ່ການປຸກລະດົມ ເຊີນຊວນໃຫ້ມີຜູ້ບໍລິຈາກເລືອດຫຼາຍຂຶ້ນ ສ່ວນໜຶ່ງຍ້ອນສູນເລືອດຢູ່ ຫຼາຍແຂວງບໍ່ສາມາດເຄື່ອນໄຫວໄດ້ເທົ່າທີ່ຄວນ ຍ້ອນສະພາບຄວາມເປັນຈິງໃນແຕ່ລະທ້ອງຖິ່ນ ເສັ້ນທາງເປ່ເພ ກຸ່ມຜູ້ບໍລິຈາກເລືອດຖືກຜົນກະທົບຈາກໄພພິບັດນ້ຳຖ້ວມ ແລະ ການລະບາດພະຍາດໄຂ້ເລືອດອອກ ໃນ 9 ເດືອນ ປີ 2019 ທົ່ວປະເທດສາມາດເຈາະເລືອດ ໄດ້ 40.052 ຄົນ (ຖົງ) ຖ້າທຽບໃສ່ແຜນການໄດ້ 72,84% ແລະ ຄາດວ່າຈະສູ້ຊົນໃຫ້ມີຜູ້ບໍລິຈາກເລືອດໄດ້ຕາມແຜນການທີ່ວາງໄວ້ 55.000 ຖົງ.

ສະເພາະກິດຈະກຳຄັ້ງນີ້ ມີວິທະຍາໄລພາກລັດ ໃນນະຄອນຫຼວງວຽງຈັນ ມະຫາວິທະຍາໄລວິທະຍາສາດສຸຂະພາບ ວິທະຍາໄລພາກເອກະຊົນ ລວມ 24 ພາກສ່ວນ ມີຜູ້ເຂົ້າຮ່ວມ 400 ຄົນ ເຊິ່ງຄາດວ່າຈະມີຜູ້ໃຫ້ການປະກອບສ່ວນບໍລິຈາກເລືອດຄັ້ງນີ້ ປະມານ 300 ຄົນ.

ຄະນະບໍລິຫານງານສູນກາງພັກ ຄົ້ນຄວ້າຫຼາຍບັນຫາສຳຄັນ

ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9 ສະໄໝທີ X ຈັດຂຶ້ນວັນທີ 14-23 ຕຸລາ 2019 ທີ່ຫ້ອງວ່າສູນກາງພັກ ໂດຍເປັນປະທານຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ມີບັນດາກຳມະການກົມການເມືອງ ຄະນະເລຂາທິການສູນກາງພັກ ກຳມະການສູນກາງ ທີ່ປືກສາຄະນະບໍລິຫານງານສູນກາງພັກ ເລຂາຄະນະພັກກະຊວງ ອົງການ ເລຂາພັກແຂວງ ແລະ ເຈົ້າແຂວງເຂົ້າຮ່ວມ.

ກອງປະຊຸມຄັ້ງນີ້ ໄດ້ຄົ້ນຄວ້າຕີລາຄາປຶກສາຫາລື ແລະ ໃຫ້ທິດຊີ້ນຳຫຼາຍບັນຫາສຳຄັນ ເຊັ່ນ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານແຜນເງິນຕາ ປະຈຳປີ 2019 ແລະ ທິດທາງແຜນການ ປະຈຳປີ 2020 ຕີລາຄາ ແລະ ໃຫ້ທິດຊີ້ນຳກ່ຽວກັບວຽກງານ ປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານຕ່າງປະເທດໃນໄລຍະຜ່ານມາ ແລະ ທິດທາງໃນຕໍ່ໜ້າ ຄົ້ນຄວ້າໃຫ້ທິດຊີ້ນຳກ່ຽວກັບມະຕິ ວ່າດ້ວຍວຽກງານແນວໂຮມ ແລະ ວຽກງານມະຫາຊົນຂອງພັກ ໃນໄລຍະໃໝ່ໃຫ້ທິດຊີ້ນຳ ຜົນການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກໃນໄລຍະຜ່ານມາ ແລະ ທິດທາງວຽກຈຸດສຸມໃນຕໍ່ໜ້າຄົ້ນຄວ້າປະກອບຄຳເຫັນ ແລະ ໃຫ້ທິດຊີ້ນຳຕໍ່ຮ່າງລາຍງານການເມືອງສະບັບທີໜຶ່ງ ຫຼື ສະບັບເບື້ອງຕົ້ນຕໍ່ກອງປະຊຸມໃຫຍ່ ຄັ້ງທີ XI ຂອງພັກ ແລະ ການດຳເນີນຊີວິດການເມືອງພາຍໃນຄະນະບໍລິຫານງານສູນກາງພັກ ປະຈຳປີ 2019.

ກອງປະຊຸມເປັນເອກະພາບກັນ ຕີລາຄືນດ້ານຕັ້ງໜ້າຜົນສຳເລັດທີ່ເປັນໜໍ່ແໜງ ປັດໄຈໃໝ່ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ໃນ 1 ປີຜ່ານມາ ພ້ອມນັ້ນ ໄດ້ຄົ້ນຄວ້າປະກອບຄຳເຫັນຕໍ່ບັນຫາຕ່າງໆທີ່ຕັ້ງຂຶ້ນໃນກອງປະຊຸມຢ່າງກົງໄປກົງມາ ໂດຍສະເພາະ ສຸມໃສ່ວິເຄາະໄຈ້ແຍກບັນຫາການຈັດຕັ້ງ ປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານ ແຜນເງິນຕາ ປະຈຳປີ 2019 ແລະ ທິດທາງແຜນການ ປະຈຳປີ 2020 ກໍຄື ວຽກງານຮັບປະກັນຄວາມໝັ້ນຄົງທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ ການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ແລະ ບັນຫາອື່ນໆທີ່ໄດ້ນຳມາສະເໜີຕໍ່ກອງປະຊຸມ.

ກອງປະຊຸມມີຄວາມເປັນເອກະພາບຮັບຮອງເອົາວຽກງານ ແລະ ທິດທາງວຽກງານຈຸດສຸມໃນຕໍ່ໜ້າ ທີ່ແນໃສ່ສ້າງການຫັນປ່ຽນອັນແຂງແຮງໃນແຕ່ລະຂົງເຂດວຽກງານ ສ້າງບັນດາປັດໄຈຕົວຈິງ ເພື່ອຄ້ຳປະກັນການສືບຕໍ່ສ້າງການຫັນປ່ຽນຢ່າງຕັ້ງໜ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ສ້າງຂະບວນການແຂງແຮງຕໍ່ເນື່ອງ ສະເຫຼີມ ສະຫຼອງວັນສຳຄັນຂອງພັກ-ຂອງຊາດ ກະກຽມໃຫ້ການດຳເນີນກອງປະຊຸມໃຫຍ່ 3 ຂັ້ນ ສ້າງການຫັນປ່ຽນໃໝ່ ເພື່ອກ້າວເຂົ້າສູ່ກອງປະຊຸມໃຫຍ່ ຄັ້ງທີ XI ຂອງພັກ ເພື່ອຈັດຕັ້ງປະຕິບັດບັນດາເນື້ອໃນເຫຼົ່ານັ້ນ ກອງປະຊຸມໄດ້ເນັ້ນໜັກເຖິງການສ້າງຄວາມເຂົ້າໃຈເປັນເອກະພາບ ແລະ ເລິກເຊິ່ງກວ່າເກົ່າຕໍ່ຄວາມຮັບຜິດຊອບການເມືອງ ຂອງຄະນະບໍລິຫານງານສູນກາງພັກແຕ່ລະສະຫາຍສູນກາງ ນັບທັງເລຂາຄະນະພັກກະຊວງ ອົງການແຂວງ ໃນການນຳພາ-ຊີ້ນຳຜັນຂະຫຍາຍມະຕິຄຳສັ່ງ ລວມທັງບັນດານິຕິກຳຕ່າງໆຂອງສູນກາງພັກ ແລະ ລັດຖະບານວາງອອກ ພ້ອມທັງເປັນເຈົ້າການນຳພາ-ຊີ້ນຳແກ້ໄຂບັນຫາຕ່າງໆຢ່າງຈິງຈັງຮັບປະກັນໝາກຜົນຕົວຈິງ.

ທ່ານຮອງນາຍົກລັດຖະມົນຕີເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ

ໃນວັນທີ 19 ກັນຍາ ປີ 2019 ນີ້, ທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າແຂວງໆສາລະວັນ ພ້ອມຄະນະ, ໄດ້ຕອນຮັບທ່ານ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວກກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງ ພ້ອມຄະນະທີ່ເດີນທາງມາຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍການຕ້ອນຮັບຂອງທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ, ຮອງເຈົ້າແຂວງໆສາລະວັນ, ທີ່ສະໜາມບີນຂອງແຂວງ.

ຈາກນັ້ນ ທ່ານ ຮອງເລຂາພັກແຂວງ, ຮອງເຈົ້າແຂວງໆ ສາລະວັນ ກໍໄດ້ລາຍງານສະພາບການໂດຍຫຍໍ້ ຢູ່ທີ່ຫ້ອງປະຊຸມສະໂມສອນແຂວງ, ເປັນຕົ້ນກໍ່ແມ່ນວຽກປ້ອງກັນຊາດ – ປ້ອງກັນຄວາມສະຫງົບ, ວຽກງານເສດຖະກິດສັງຄົມ, ນອກນັ້ນກໍ່ແມ່ນວຽກງງານກະກຽມກອງປະຊຸມໃຫຍ່ 3 ຂັ້ນຂອງພັກເຊີ່ງມາຮອດປະຈຸບັນນີ້ແຂວງສາລະວັນສາມາດເປີດກອງປະຊຸມໃຫຍ່ສໍາເລັດໄປແລ້ວ 2 ເມືອງຄື: ເມືອງສະໝ້ວຍ ແລະ ເມືອງຕະໂອ້ຍ, ພ້ອມດຽວກັນນີ້ທ່ານ ຮອງເລຂາພັກແຂວງ ຮອງເຈົ້າແຂວງໆ ສາລະວັນ ກໍໄດ້ລາຍງນໂດຍຫຍໍ້ກຽວກັບບັນຫາສະພາບນໍ້າຖ້ວມໃນຕົ້ນເດຶອນທີ່ຜ່ານມາເຊີ່ງທົ່ວແຂວງສາລະວັນມີທັງໝົດ 579 ບ້ານ ເສຍຫາຍ 219 ບ້ານ, ມີ 35.698 ຄົນ ແລະ ມີພົນລະເມືອງ 139.221 ຄົນ, ມີເນື້ອທີ່ນຳຖ້ວມ 45.994 ເຮັກຕາ, ເນື້ອທີ່ນາ 25.490 ເຮັກຕາ ຜ່ານການຮັບຟັງການລາຍງານ ຈາກນັ້ນທ່ານ ຮອງນາຍົກລັດຖະມົນຕີ ກໍ່ໄດ້ມີຄຳເຫັນໂອ້ລົມຕໍ່ພະນັກງານການນຳຂອງແຂວງ, ເຊີ່ງກ່ອນອື່ນທ່ານ ກໍ່ໄດ້ຍ້ອງຍໍຊົມເຊີຍຕໍ່ການນຳຂອງແຂວງທີ່ໄດ້ເອົາໃຈໃສ່ຕໍ່ໜ້າທີ່ວຽກງານເຮັດໃຫ້ທົ່ວແຂວງມີຄວາມສະຫງົບ, ຄວາມເປັນລະບຽບ ຮຽບຮ້ອຍໃນທົ່ວສັງຄົມ, ພ້ອມທັງແກ້ໄຂບັນຫາຕ່າງໆຕາມຄວາມຮັບຜິດຊອບຂອງຕົນ, ເພື່ອເປັນການສືບຕໍ່ວຽກງານປ້ອງກັນຊາດ – ປ້ອງກັນຄວາມສະຫງົບ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆໃນຕໍ່ໜ້າຕ້ອງເອົາໃຈໃສ່ປັບປຸງກຳລັງຕ່າງໆນັບແຕ່ຂັ້ນຮາກຖານທ້ອງຖິ່ນ,ໃຫ້ມີຄວາມເຂັ້ນແຂງ ໂດຍສະເພາະກໍ່ແມ່ນບ້ານລຽບຕາມຊາຍແດນ, ນອກຈາກນັ້ນກໍ່ແມ່ນໃຫ້ເອົາໃຈໃສ່ໃນການສ້າງບ້ານສູ້ຮົບຕິດລ່ຽນ ແລະ ບ້ານຈັ້ງທ່າເພື່ອໃຫ້ມີຄວາມເຂັ້ມແຂງ, ເອົາໃຈໃສ່ໃນການຈັດເກັບລາຍຮັບ, ການຟື້ນພູໄພນໍ້າຖວມ, ພ້ອມທັງໃຫ້ໄດ້ເປີດສົກຮຽນ ແລະ ໃຫ້ເດັກນ້ອຍໄດ້ເຂົ້າຮຽນຢ່າງເປັນປົກກະຕີ, ນອກຈາກນັ້ນບັນຫາເຂົ້າກິນ, ນໍ້າດືມ, ທີ່ຢູ່ອາໃສ່ຂອງຄົວຄອບຜູ້ທີ່ໄດ້ຮັບຜົນກະທົບຈາກໄຟທຳມະຊາດ, ຢາປົວພະຍາດຄົນ ແລະ ສັດອື່ນໆ ເພາະວ່າມັນເປັນສິງຈຳເປັັນທີ່ສຸດໃນໄລຍະນີ້, ພ້ອມກັນນັ້ນກໍ່ແມ່ນວຽກງານພື້ນຖານໂຄງລ່າງຕ້ອງໄດ້ມີການປະສານສົມທົບກັບພາກສ່ວນທີ່ກ່ຽວ ຂ້ອງເພື່ອແກ້ໄຂ້ ແລະ ເອົາໃຈໃສ່ສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ, ສຳລັບວຽກງານກະກຽມກອງປະຊຸມໃຫຍ່ 3 ຂັ້ນຂອງພັກໃຫ້ເອົາໃຈໃສ່ໃນການສ້າງຂະບວນການຕ່າງໆເປັນຕົ້ນຊຸກຍູ້ຂະບວນການຕິດພັນກັບການຟື້ນພູໄຟພິບັດ ແລະ ພ້ອມທັງຊຸກຍູ້ວຽກງານຂະບວນການຮອບດ້ານປົກກະຕິ,ຕິດພັນກັບຂະບວນການຮັກຊາດພັດທະນາ, ເອົາໃຈໃສ່ໃນການກະກຽມເນື້ອໃນຕ່າງໆ ໂດຍສະເພາະກໍ່ແມ່ນບົດລາຍງານການເມືອງ, ແຜນພັດທະນາເສດຖະກິດ – ສັງຄົມ ແລະ ການກະກຽມບຸກຄະລາກອນຕ່າງໆທີ່ຈະເຂົ້າໃນໂຄງປະກອບ, ສຳລັບເມືອງທີ່ສຳເລັດກອງປະຊຸມໃຫຍ່ແລ້ວກໍ່ແມ່ນໃຫ້ຜັນຂະຫຍາຍມະຕິເນື້ອໃນຕ່າງໆ, ຜົນສຳເລັດຂອງກອງປະຊຸມລົງສູ່ຂັ້ນຮາກຖານເພື່ອເຮັດໃຫ້ພໍ່ແມ່ປະຊາຊົນຮັບຮູ້, ຈາກນັ້ນທ່ານ ຮອງນາຍົກລັດຖະມົນຕີ ກໍ່ໄດ້ມອບເງິນຈຳນວນ 150.000.000 ກີບ ເພື່ອນຳໄປຊ່ວຍເຫຼືອຜູ້ທີ່ຖືກໄພນ້ຳຖ້ວມ ແລະ ເພື່ອນໍາໄປຟື້ນຟູ ພື້ນຖານໂຄງລ່າງທີ່ຈຳເປັນໃນພັດທະນາຂອງແຂວງ.